Սեյրան Օհանյանին մեղադրանք է առաջադրվել
Պաշտպանության նախկին նախարար Սեյրան Օհանյանին Մարտի 1-ի գործով մեղադրանք է առաջադրվել: Ինչպես հայտնում է Aysor.am-ը՝ տեղեկությունը հաստատել է Գլխավոր դատախազության հատկապես կարևոր գործերով քննության նկատմամբ հսկողության վարչության պետ Վահագն Մուրադյանը:
Ավելի վաղ տեղեկացրել էինք, որ Մարտի 1-ի քրեական գործի շրջանակներում պաշտպանության նախկին նախարար Սեյրան Օհանյանին մեղադրանքն առաջադրվել է ՀՀ Քրեական օրենսգրքի 300.1 հոդվածի հատկանիշներով՝ «Սահմանադրական կարգը տապալելը»։
Լրատվամիջոցի աղբյուրների հաղորդմամբ՝ Օհանյանի նկատմամբ որպես խափանման միջոց ընտրվել է ստորագրություն երկրից չհեռանալու մասին։
Նշենք, որ Սեյրան Օհանյանը 2008 թվականի մարտիմեկյան իրադարձությունների ժամանակ զբաղեցնում էր ՊՆ Զինված ուժերի գլխավոր շտաբի պետի պաշտոնը։
