Ինձ մոտ վիրահատելն ավելի լավ է ստացվում, քան՝ խոսելը․ Բաբլոյան
Ինձ մոտ վիրահատելն ավելի լավ է ստացվում, քան՝ խոսելը, ավելի լավ է՝ վերադառնամ առողջապահություն։ Այս մասին այսօր լրագրողների հետ զրույցում ասաց ՀՀ Ազգային ժողովի նախկին նախագահ Արա Բաբլոյանը։
Բաբլոյանը դժվարացավ գնահատել իր աշխատանքը՝ նշելով․
«Ինչ արել եմ, դուք պետք է գնահատեք, ես դժվարանում եմ գնահատել իմ աշխատանքը, հուսով եմ՝ դուք կգնահատեք»։
Հարցին՝ կցանկանա՞ր նոր խորհրդարանում աշխատել, նա պատասխանեց. «Նոր խորհրդարանում չեմ կարող աշխատել, որովհետև ես ինքս իմ թեկնածությունը ի սկզբանե չեմ դրել, որպեսզի ընտրվեմ պատգամավոր։ Կարծում եմ ՝ այս դաշտում արեցի այն ամենը, ինչ կարող էի անել, հիմա ավելի լավ է, որ ես վերադառնամ առողջապահություն, անեմ այն, ինչը շատ լավ եմ անում, ինձ մոտ վիրահատելն ավելի լավ է ստացվում, քան՝ խոսելը»։
