Երկու օր անց գործազուրկ եմ դառնալու. Արփինե Հովհաննիսյան

Դեռևս ՀՀ ԱԺ փոխնախագահ Արփինե Հովհաննիսյանն այսուհետ զբաղվելու է մասնագիտական գործունեությամբ: ՀՀ արդարադատության նախկին նախարար Դավիթ Հարությունյանի հետ իրավաբանական գրասենյակ են հիմնել: «Հանրային քաղաքականությամբ զբաղվելուց չեմ խուսափելու: Տարիներ առաջ փաստաբանական գործունեությամբ զբաղելու քննություն եմ հանձնել և լիցենզիա չեմ վերցրել, այս գործունեությամբ երևի զբաղվեմ»,- այսօր լրագրողների հետ զրույցում ասաց Արփինե Հովհաննիսյանը: Բացի այդ, նա պատրաստվում է նաև հանրային քաղաքականության ձևաչափի մեջ մնալ, դրա համար արդեն, նրա խոսքով, որոշ պրոյեկտներ կան: Իսկ այն դիտարկումներին, թե 7-րդ գումարման խորհրդարանը համարվում է երիտասարդ, և շատերը թերահավատորեն են մոտենում նրանց գործունեությանը, Հովհաննիսյանը նշեց․ «Ես երբեք սրբազան սարսուռով չեմ վերաբերվել տարիքին կամ փորձառությանը, բայց ես առավել շատ կարևորում եմ պրոֆեսիոնալիզմը, կոմպետենտությունը և կոնկրետ հարցին տիրապետելու կարողությունը»: