Վահագն Հարությունյանը կկալանավորվի

Երևան քաղաքի ընդհանուր իրավասության դատարանը բավարարել է նախաքննական մարմնի միջնորդությունը` Մարտի 1-ի գործով քննչական խմբի նախկին ղեկավար Վահագն Հարությունյանին կալանավորելու վերաբերյալ: SHANTNEWS.am-ի հետ զրույցում ՀՔԾ մամուլի խոսնակ Մարինա Օհանջանյանը հայտնել է, որ դատարանը Հարությունյանին կալանավորելու որոշում է կայացրել: Հիշեցնենք, որ Մարտի 1-ի քննչական խմբի նախկին ղեկավար Վահագն Հարությունյանին ապացույցներ կեղծելու մեղադրանք էր առաջադրվել, ՀՔԾ-ն միջնորդել էր կալանավորել նրան: Դեկտեմբերի 26-ին նրան առաջադրված մեղադրանքը լրացվել է. Հարությունյանը մեղադրվում էր նաև անզգուշությամբ ծանր հետևանքներ առաջացրած պաշտոնեական լիազորությունների չարաշահման և բռնությամբ զուգորդված պաշտոնեական լիազորություններն անցնելու մեջ` ՀՀ Քրեական օրենսգրքի 308-րդ հոդվածի 2-րդ մասի և 309-րդ հոդվածի 2-րդ մասով հատկանիշներով: