Այսօր, արդեն Երևանում շարունակվում են Մանվել Գրիգորյանին գրավի դիմաց ազատ արձակելու որոշման դեմ դեկտեմբերի 21-ից սկսած բողոքի ակցիաները։ Բողոքի ակցիա իրականացնող Էջմիածինցիներին է միացել նաև «Իրավապահանջ քաղաքացի, հզոր պետություն» նախաձեռնությունը, բողոքի ակցիա է իրականացվում Երևանում։ Նախորդող օրերին ակցիայի մասնակիցները փակել էին Երևան-Էջմիածին ավտոճանապարհը։ Հիշեցնենք, որ քաղաքացիները պահանջում են, որ Մանվել Գրիգորյանը դարձյալ կալանավորվի։ Նշենք որ ակցիայի մասնակիցները հավաքվել էին ՀՀ արդարադատության նախարարության շենքի դիմաց, ապա շարժվեցին ՀՀ գլխավոր դատախազության շենքի մոտ։