40-ամյա տղամարդ է մահացել Արմենիա բժշկական կենտրոնում. հարազատները մեղադրում են բժշկին
Արմենիա բժշկական կենտրոնում երեկ մահացել է 40-ամյա Նվեր Եսայանը: Ֆոտոլրագրող Գագիկ Շամշյանը հայտնում է, որ ոստիկանության Մաշտոցի բաժին է դիմել մահացածի հարազատներից՝ 64-ամյա Կամո Եսայանը և հայտնել, որ Նվերը ՙԱրմենիա՚ բժշկական կենտրոնում մահացել է նշված կենտրոնի սրտաբանական բաժնի բժիշկ Պապիկյանի կողմից իր մասնագիտական պարտականությունները ոչ պատշաճ կատարելու հետևանքով: Ֆոտոլրագրողի տեղեկություններով՝ Նվեր Եսայանը նշված բժշկական կենտրոն է տեղափոխվել ՙսուր կորոնալ սինդրոմ, շաքարային դիաբետ ալկոհոլային խմածություն՚ ախտորոշմամբ: Հետաքննիչի որոշմամբ նշանակվել է դատաբժշկական փորձաքննություն՝ պարզելու նրա մահվան հանգամանքները:
