Տարօրինակ եմ համարել, որ Ապրիլյան դեպքերի հետ կապված որևէ մեկը չի պատժվել. Հարությունյան
Այսօր Կառավարության նիստից հետո ՀՀ կրթության և գիտության նախարարի պաշտոնակատար Արայիկ Հարությունյանին լրագրողները հարցրեցին, թե արդյո՞ք նրա համար տարօրինակ չէր, որ ՀՀ ԶՈՒ գլխավոր շտաբի հետախուզական վարչության նախկին պետ Արշակ Կարապետյանը նշանակվեց ՀՀ վարչապետի խորհրդական:
Հիշեցնենք, որ ավելի վաղ, երբ Կարապետյանը նշանակվել էր ՌԴ-ում ՀՀ դեսպանի ռազմական կցորդ, Արայիկ Հարությունյանը գրել էր.
«Շատ հետաքրքիր տեղեկություն ձեզ տամ, որ Ապրիլյան պատերազմի ժամանակ պաշտոնանկ արված վարչության պետը նշանակվել է Մոսկվայում մեր դեսպանության ռազմական կցորդ: Տարօրինակ է, որ Ապրիլյան դեպքերից հետո որևէ մեկը չի պատժվել և պատասխանատվություն չի կրել»:
Հարությունյանը նկատեց, որ երեկ վարչապետը մանրամասն պատասխանել է այդ հարցին: Ինչ վերաբերում է իր՝ ավելի վաղ արտահայտած մտքին, ապա նա ուղղում մտցրեց մեջբերումներում.
«Ես ժամանակին տարօրինակ եմ համարել, որ Ապրիլյան դեպքերի հետ կապված որևէ մեկը չի պատժվել»:
