Փաշինյանը՝ Լևոն Մնացականյանի պաշտոնանկության մասին
Պարոն Մնացականյանի պաշտոնանկությունը ձեզ հայտնի հանգամանքների բերումով չեմ կարող մեկնաբանել: Այս մասին այսօր Դիլիջանում լրագրողների հետ զրույցում ՀՀ վարչապետի պաշտոնակատար Նիկոլ Փաշինյանն այսպես է պատասխանել Արցախի պաշտպանության նախկին նախարար Լևոն Մնացականյանի պաշտոնանկության վերաբերյալ հարցին:
Անդրադառնալով մեջբերմանը, թե Մնացականյանի պաշտոնանկությունը կարող է ազդեցություն ունենալ բանակի մարտունակության վրա, Փաշինյանը պատասխանել է.
«Դա շատ վատ մեկնաբանություն է մեր բանակի հասցեին, որովհետև երկու նոր նշանակվածները պաշտպանության բանակի հնաբնակներն են, մարդիկ, ովքեր իրենց ամբողջ կյանքում ծառայել են զինված ուժերում և գտնվում են Արցախյան ազատամարտի ակունքներում»:
