ՀԱՊԿ-ի ներսում տեղի է ունեցել շատ լուրջ խոսակցություն, որը ստեղծման օրվանից չի եղել. Փաշինյան
ՀՀ վարչապետի պաշտոնակատար Նիկոլ Փաշինյանը լրագրողների հետ զրույցում կրկին անդրադարձել է ՀԱՊԿ գլխավոր քարտուղարի վերաբերյալ հարցին՝, նշելով, որ քարտուղարի նշանակումն ամենակարևոր հարցը չէ։
«Մի քանի անգամ ասել եմ, խնդրում եմ ուշադրություն դարձնել իմ պատասխանի բովանդակությանը՝ ՀԱՊԿ գլխավոր քարտուղարի պաշտոնը ամենակարևոր խնդիրը չէ, որովհետև ՀԱՊԿ գլխավոր քարտուղարի կարգավիճակը ժամանակավոր է», - լրագրողների հետ հանդիպմանը պնդեց Նիկոլ Փաշինյանը:
Նա ընդգծեց՝ կարևորը կառույցի ներսում ապագայում տարվելիք աշխատանքների բովանդակությունն է.
«Թույլ տվեք ասել, որ մենք մեր խնդիրն արդեն լուծել ենք, որովհետև ՀԱՊԿ-ի ներսում տեղի է ունեցել շատ լուրջ խոսակցություն, որը ստեղծման օրվանից տեղի չի ունեցել»:
