Ռուսաստանում գազի թունավորումից հայ շինարարներ են մահացել
Մոսկվայի մարզի Շեստևո գյուղում կենցաղային գազի թունավորումից մահացել է հինգ մարդ, մեկ մարդ ծանր վիճակում է։ Այս մասին հայտնում է MK.ru կայքը։
Լրատվամիջոցի տեղեկություններով՝ աշխատողներին հայտնաբերել են գործընկերները։ Նրանց հոսպիտալացրել են, սակայն 5 մարդու կյանք փրկել չի հաջողվել։ Թունավորված անձանցից երեքը Հայաստանից են, մյուս երեքը՝ Ուզբեկստանից։ Նրանք կառուցելիս են եղել մասնավոր հյուրանոց։
Նախնական տեղեկությունների համաձայն՝ թունավորման պատճառը եղել է գազի բալոնը, որն աշխատողները օգտագործել են ջեռուցման համար։
