ՏԵՍԱՆՅՈՒԹ․ Թեժ գծի իմաստը կբացատրեք, եթե 25 րոպե պատասխանող չկա․Քեյան
«Վարորդի ընկեր» ՀԿ-ի նախագահ Տիգրանը Քեյանը այսօր մոտ 25 րոպե փորձել է կապ հաստատել Երևանի քաղաքապետաանի թեժ գծի աշխատակիցների հետ, սակայն անարդյունք:
«Հարգելի Երևանի քաղաքապետարան թեժ գծի իմաստը կբացատրեք հասկանանք, որ շուրջ 25 րոպե պատասխանող չկա, իսկ մեզ հորդորում եք իրավախատումների կամ այլ խնդիրների համար զանգահարենք թեժ գիծ:
Հ.Գ նշեմ որ Ձեր կայքը չի աշխատում և վճարովի կայանատեղիների տուգանքները չենք կարողանում տեսնել»,- նշել է նա՝ գրությանը կցելով տեսանյութ, որում էլ երևում է, թե ինչպես է 25 րոպե իր զանգը մնում անպատասխան։
Auroranews.am-ը կապ հաստատեց քաղաքապետարանի Հասարակայանության հետ կապերի վարչության աշխատակցի հետ, որտեղից էլ հայտնեցին, որ օգտատիրոջ հետ արդեն կապ են հաստատել, վճարովի կայանատեղիների տուգանքների հետ կապված էլ աշախատանքներ են տարվում, իսկ թեժ գծի զանգերին չպատասխանելու մասին հարցին պատասխանեցին, որ նման բան ուղղակի անհնար է:
