Քոչարյանը կզրկվի՞ անձեռնմխելիությունից․ Դատարանը որոշում է կայացնում

Վերաքննիչ քրեական դատարանը քիչ առաջ հեռացավ խորհդրակցական սենյակ Ռոբերտ Քոչարյանի խափանման միջոցի վերաբերյալ որոշում կայացնելու: Լրագրողների հետ զրուցում Քոչարյանի փաստաբան Հայկ Ալումյանն ասաց, որ դատարանը որոշումը կհրապարակի դեկտեմբերի 7-ին՝ ժամը 16:00-ին: Նշենք, որ դատարանն արդեն 5 օր է՝ քննում էր պաշտպանների ներկայացրած բողոքը: Հիշեցնենք՝ Վերաքննիչ դատարանում ընթանում է ՀՀ երկրորդ նախագահ, «Մարտի 1»-ի գործով մեղադրյալ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքի քննությունը։ Երեկ շուրջ 7 ժամ տևած դատական նիստն ընդհատվել էր՝ պայմանավորված աշխատանքային օրվա ավարտով։