Կամչատկայում Տոլբաչիկ հրաբխի մոտ արգելափակվել է 149 մարդ

Կամչատկայի երկրամասում գտնվող Տոլբաչիկ հրաբխում վնասված ճանապարհի պատճառով արգելափակված 149 քաղաքացիների համար տարհանման աշխատանքներ են իրականացվում։

Ռեգիոնալ հայտարարության համաձայն՝ Տոլբաչիկ հրաբխի զբոսաշրջային երթուղում ընդհանուր առմամբ հայտնվել է 149 արգելափակված անձ։ Նրանցից 117-ին, որոնց թվում կա 15 դեռահաս, դուրս են բերում ուղղաթիռներով։ Մնացած 32 անձինք վարորդներ են, որոնք տեղում են գտնվում տեխնիկայի հետ միասին։

Տեղական իշխանությունները հայտնում են, որ ճանապարհված առաջին խմբին արդեն հետևում է երկրորդը, որը պատրաստվում է նստեցմանը։ Թռիչքից հետո նրանց ավտոբուսներով կտեղափոխեն Պետրոպավլովսկ-Կամչատսկի։

Տարբեր երկրների քաղաքացիներից կազմված խմբում, որը ՌԴ Կամչատկայի թերակղզում գտնվող Տոլբաչիկ հրաբխի մոտ անբարենպաստ եղանակի պատճառով բարդ իրավիճակում է հայտնվել, առկա է նաև Ադրբեջանի քաղաքացի Տատյանա Դոլիվեցը։