Ուկրաինան հայտարարել է ռուս ժողովրդի միասնությունը խաթարելու իր նպատակի մասին. Պուտին

ՌԴ նախագահ Վլադիմիր Պուտինը հայտարարել է, որ Ուկրաինան հրապարակայնորեն որպես հարվածների թիրախ էր նշում ռուսական հասարակության համախմբվածության և ռուս ժողովրդի միասնության խաթարումը։

«Հրապարակայնորեն հայտարարվել էր մեր երկրի տնտեսության ամբողջական ոլորտների ոչնչացման, մեր ժողովրդի միասնության և ռուսական հասարակության համախմբվածության խաթարման նպատակը»,— ասել է Պուտինը «Վեստի» տեղեկատվական համակարգի հեղինակ Պավել Զարուբինին տված հարցազրույցում:

Ավելի վաղ Պուտինը հայտնել էր` առաջիկա ընտրությունները կհաստատեն Ռուսաստանի դիմադրողականությունը և ցանկացած արտաքին սպառնալիքի դիմակայելու նրա կարողությունը:

«Նույնիսկ ամենադժվարին հանգամանքներում Ռուսաստանը չի շեղվի ժողովրդական ինքնիշխանության սկզբունքներից և ընտրություններ կանցկացնի ամբողջ երկրում։ Առաջիկա ընտրությունները կհաստատեն Ռուսաստանի դիմադրողականությունը և ցանկացած արտաքին սպառնալիքի դիմակայելու նրա կարողությունը»,-նշել է նա։