Սեուտան սկսել է ծովում նոր արգելապատնեշներ տեղադրել՝ միգրանտների հոսքի պատճառով

Իսպանիայի իշխանությունները Սեուտայի ​​նավահանգստում սկսել են նոր արգելապատնեշներ տեղադրել՝ միգրանտների հոսքի պատճառով, տեղեկացնում է Europa Press-ը՝ հղում անելով Իսպանիայի կառավարությանը։

«Ժամը 7:50-ին Սեուտայի ​​Տարաջալ նավահանգստում սկսվել է արգելապատնեշների տեղադրումը», - նշված է գործակալության հաղորդագրության մեջ։

Europa Press-ի փոխանցմամբ՝ արգելապատնեշն իրենից ներկայացնում է 500 մետր երկարություն, 30-ից 70 սանտիմետր բարձրություն ունեցող փչովի համակարգ, որի ստորջրյա մասը հասնում է մինչև մեկ մետր խորության, ինչպես նաև ծովի հատակին ամրացված լողանների շարք է։ Արգելապատնեշի տարրերի միջև նախատեսված է անցուղի, որն ապահովում է Քաղաքացիական պաշտպանության նավակների տեղաշարժը սահմանը հսկելու համար։

«Կառավարությունը նշում է, որ Սեուտայում գիշերը անցել է «նորմալ»՝ հավելելով, որ (միգրանտների - խմբ.) մուտքն ամբողջությամբ դադարեցվել է, մինչդեռ Մարոկկո ելքերը շարունակվել են «առանց որևէ էական միջադեպի», հայտնում է գործակալությունը։

Ուրբաթ օրը Սեուտայի ​​քաղաքապետ-նախագահ Խուան Խեսուս Վիվասը հայտնել էր, որ վերջին 24 ժամվա ընթացքում Մարոկկոյից Սեուտա է մուտք գործել շուրջ 60,000 մարդ: RTVE-ն, հղում անելով Իսպանիայի Ներքին գործերի նախարարությանը, հաղորդել է, որ ավելի քան 48,300 անօրինական միգրանտներ արդեն վերադարձվել են Մարոկկո: