ՌԴ-ն ենթարվել է ԱԹՍ-ների զանգվածային հարձակման. խոշոր հրդեհ «Wildberries»-ի պահեստում

Ռուսաստանի Ռյազան քաղաքում  լուսաբացին տեղի է ունեցել անօդաչու թռչող սարքերի հարձակում։ Սոցիալական ցանցերում գրում են «Wildberries»-ի պահեստում բռնկված հրդեհի և նավթավերամշակման գործարանում առաջացած հրդեհի մասին։

Տեղի նահանգապետ Պավել Մալկովը հաստատել է հրդեհներից մեկի փաստը, սակայն մանրամասներ չի հայտնել։ Նրա խոսքով՝ քաղաքը ենթարկվել է անօդաչու թռչող սարքերի զանգվածային հարձակման։

«Ձեռնարկություններից մեկի տարածքում հրդեհ է բռնկվել», - կարճ հայտնել է ռուս պաշտոնյան։

Մի շարք «Տելեգրամ» ալիքներ, հղում անելով տեղի բնակիչներին, գրում են «Wildberries»-ի պահեստում բռնկված հրդեհի մասին։ Որոշ աղբյուրներ հավելում են նաև, որ հրդեհ է բռնկվել նավթավերամշակման գործարանի տարածքում։

Միաժամանակ Մոսկվայում և Մոսկվայի մարզում հայտարարվել է օդային տագնապ։