Թրամփը խուսափում է Նեթանյահուի հետ անձնական հանդիպումներից. WSJ

ԱՄՆ նախագահ Դոնալդ Թրամփը միտումնավոր խուսափում է Իսրայելի վարչապետ Բենիամին Նեթանյահուի հետ անձնական հանդիպումներից, քանի որ չի ցանկանում տեսնել նրան, գրում է Wall Street Journal-ը հղում անելով ամերիկյան վարչակազմի բարձրաստիճան աղբյուրին։ 

Ավելի վաղ CNN հեռուստաալիքը հայտնել էր, որ Նեթանյահուն արդեն մի քանի շաբաթ է փորձում է հանդիպել Թրամփի հետ։ Նրա տվյալներով՝ Իսրայելի վարչապետը և ԱՄՆ առաջնորդը անձամբ չեն հանդիպել փետրվարից, թեև կանոնավոր կերպով հեռախոսազրույցներ են ունենում։ 

«Թրամփն իր դժգոհությունն է արտահայտում Իսրայելի վարչապետ Բենիամին Նեթանյահուից՝ պարբերաբար հայտարարելով իր օգնականներին, որ չի ցանկանում խոսել կամ հանդիպել նրա հետ», - ասվում է հրապարակման մեջ։ 

Թերթի զրուցակցի խոսքով՝ իսրայելցի պաշտոնյաները փորձում են կազմակերպել երկու քաղաքական գործիչների հանդիպումը։ Թերթը գրում է, որ Նեթանյահուն կարող է մեկնել ԱՄՆ արդեն հաջորդ շաբաթ՝ սենատոր Լինդսի Գրեհեմի հուղարկավորությանը, սակայն ուղևորությունը դեռ հաստատված չէ։