Քաղաքականություն

Ֆրանսիան վերջնագիր է ներկայացրել Իրանին․ պատժամիջոցները չեն վերացվի

Ֆրանսիան վերջնագիր է ներկայացրել Իրանին․ պատժամիջոցները չեն վերացվի
Ֆրանսիայի արտաքին գործերի նախարար Ժան-Նոել Բարոն հայտարարել է, որ Իրանի նկատմամբ պատժամիջոցների մեղմացում չի լինի, քանի դեռ այն չի հրաժարվել իր միջուկային ծրագրից։ Այս մասին հայտնում է France…

Ֆրանսիայի արտաքին գործերի նախարար Ժան-Նոել Բարոն հայտարարել է, որ Իրանի նկատմամբ պատժամիջոցների մեղմացում չի լինի, քանի դեռ այն չի հրաժարվել իր միջուկային ծրագրից։ Այս մասին հայտնում է France 24-ը։


«Իրանական ռեժիմի նկատմամբ պատժամիջոցները չեն վերացվի, քանի դեռ այն չի հրաժարվել իր միջուկային ծրագրից, որն ապակայունացնում է տարածաշրջանը, չի հրաժարվել իր բալիստիկ հրթիռների ծրագրից, որոնցից մի քանիսը մի օր կարող են թիրախավորել Եվրոպան», - ասել է Բարոն ֆրանսիական BFMTV լրատվականին։


Ֆրանսիայի արտաքին գործերի նախարարը նաև կոչ է արել Միացյալ Նահանգներին և Իրանին «հարգել» փոխըմբռնման հուշագրում ստանձնած պարտավորությունները՝ նշելով, որ Մերձավոր Արևելքում նոր սրացման հետևանքով «միայն պարտվողներ կլինեն Իրանում, Միացյալ Նահանգներում և աշխարհի մյուս բոլոր վայրերում»։


Անցյալ ամիս Բարոն հայտարարել էր, որ Փարիզը ցանկանում է դերակատարություն ունենալ Իրանի միջուկային ծրագրի շուրջ բանակցություններում և չի համաձայնի ՄԱԿ-ի պատժամիջոցների վերացմանը, քանի դեռ համոզված չէ Իրանի դեմ ամերիկա-իսրայելական պատերազմում վերջնական խաղաղության համաձայնագրի պայմանների հարցում։


Հիշեցնենք, որ Ֆրանսիան ՄԱԿ-ի Անվտանգության խորհրդի վետոյի իրավունք ունեցող անդամ է։


Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3204) ԱՄՆ (2274) Ռուսաստան (2072) Իրան (1731) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250