Ես ավելի շատ շանսեր ունեմ Անգլիայի թագուհին լինելու ինչ-որ իրավիճակներում, քան Աշոտյանի գործի մեջ կա որևէ իրավական հետք. Զոհրաբյան

«Արմեն Աշոտյանի դեմ հարուցված երկու գործն էլ անհեթեթ է, ոնց պրպտես, այդ գործերից ծայրից ծայր քաղաքականության հոտ է  գալիս»,- ՀՀԿ փոխնախագահ Արմեն Աշոտյանի գործով դատական նիստից առաջ լրագրողներին ասաց նախկին պատգամավոր Նաիրիա Զոհրաբյանը։

Նա հայտնեց, որ դատախազություն են հրավիրել Արմեն Աշոտյանի հայրին ու քույրիկին՝ ապօրինի ինչ-որ գույքի բռնագանձման հետ կապված։

«Սա քաղաքական հաշվեհարդար է, հետապնդում է Արշմեն Աշոտյանի և իր կուսակցության խոսքի համար, այստեղ երկու կարծիք չի կարող լինել։

Այստեղ իրավաբանություն կա այնքան, ինչքան ես Անգլիայի թագուհին եմ, այսինքն չկա։ Ես  ավելի շատ շանսեր ունեմ Անգլիայի թագուհին լինելու ինչ-որ իրավիճակներում, քան այս գործի մեջ կա որևէ իրավական հետք»,- ասաց Զոհրաբյանը։

Անդրադառնալով նախկին պատգամավոր Արեգնա Մանուկյանի կալանավորմանը, նա նախ հիշեցրեց, որ եվրոպական կառույցները պարբերաբար բարձրաձայնել էին, որ Հայաստանը պետք է փոխի օրենսդրությունն ու կալանքը որպես փախանման միջոց  ընտրի բացառիկ դեպքերում. «Այսօր տեսնում ենք, որ կալանքի դարձել է պոպկորն, սեմչկա, բոլորին տանում են կալանքի։

Միջազգային կառույցները որևէ ձայն չեն հանի, քանի որ Նիկոլ Փաշինյանը քարտ բլանշ ունի՝ անելու է այն, ինչ ուզում է սեփական իշխանությունը պահելու համար»։