ԱՄՆ-ը խստացնում է պատժամիջոցները Իրանի դեմ

ԱՄՆ ֆինանսների նախարարությունը հայտարարել է Իրանի դեմ նոր պատժամիջոցների սահմանման մասին։

Սահմանափակումները վերաբերում են արժույթի փոխանակմամբ զբաղվող իրանական երեք ընկերությունների, ինչպես նաև Իրանի ևս երկու ֆինանսական կազմակերպությունների։

ԱՄՆ ֆինանսների նախարարության տվյալներով՝ այդ կառույցներն օգտագործվել են միջազգային պատժամիջոցները շրջանցելու և Իրանի պետական կառույցների հետ առնչվող ֆինանսական գործարքներին աջակցելու համար։

Պատժամիջոցների ցանկում ընդգրկվել է նաև անշարժ գույքի ոլորտում գործունեություն ծավալող իրանական խոշոր միջազգային ընկերություն։ Ամերիկյան կողմի տվյալներով՝ այն կապ ունի Իրանի Իսլամական հեղափոխության պահապանների կորպուսի (ԻՀՊԿ) և Իրանի գերագույն առաջնորդ Մոջթաբա Խամենեիի հետ։