ՏԵՍԱՆՅՈՒԹ․ Փաշինյանը՝ Ծառուկյանի կալանքի մասին․ խոստումներս դեռ կատարված չեն

Իրավապահները գործում են իրենց լիազորությունների շրջանակներում, լրագրողների հետ զրույցում հայտարարել է վարչապետ Նիկոլ Փաշինյանը՝ խոսելով Գագիկ Ծառուկյանին կալանավորելու մասին։

«Հայաստանը գործում է իր լիազորությունների շրջանակներում, այդ թվում՝ հայ ժողովրդի տված մանդատի շրջանակներում»,- ասել է նա։

Փաշինյանն նշել է, թե նախընտրական իր խոստումները կհամարի իրականացված, եթե, ինչպես խոստացել է, թալանվածը մինչև վերջ հետ բերվի։

«Ու տակը մնա այն, ինչին ձեզ հայտնի շրջանակներն արժանի են, այդ ժամանակ կհամարեմ, որ իմ նախընտրական խոստումը կատարված է, կհամարեմ, որ խոստումը կատարված է այն ժամանակ, երբ մարտի 1-ի գործով պատասխանատուները ենթարկվեն պատասխանատվության, խարդախությամբ ու քցելով հարստություն կուտակածները ենթարկվեն պատասխանատվությամբ, հիմա չեմ համարում, որ իմ նախընտրական խոստումները կատարված են»,- եզրափակել է վարչապետը։