Պատրաստ ենք ցանկացած սցենարի. Նեթանյահուն հանդես է եկել հայտարարությամբ

Իսրայելի վարչապետ Բենիամին Նեթանյահուն հայտարարել է, որ պատերազմը դեռ շարունակվում է։

«Հին մարտահրավերների կողքին առաջանում են նորերը։ Հին խնդիրները վերանում են, իսկ դրանց փոխարեն ձևավորվում են նորերը։ Մենք ուշադիր հետևում ենք այս փոփոխություններին։ Մենք պատրաստ ենք ցանկացած սցենարի և գիտենք մեկ բան՝ մենք միշտ պետք է ավելի ուժեղ լինենք, քան մեր թշնամիները։

Իսրայելի օդային գերազանցության պահպանումը մեր ազգային անվտանգության ռազմավարության հիմնաքարերից մեկն է։

Ես որոշել եմ առաջիկա տասնամյակում պաշտպանության բյուջեն ավելացնել լրացուցիչ 350 միլիարդ շեկելով (116 միլիարդ դոլար)։ Այդ միջոցների զգալի մասը կուղղվի ռազմաօդային ուժերին։

Այս ծրագրի շրջանակում նաև կստեղծենք բարդ զինամթերքի արտադրության արդյունաբերություն՝ կիրառելով իսրայելական տեխնոլոգիաներ, որպեսզի արտադրենք մեր սեփական զենքերը և նվազեցնենք արտասահմանյան գնումներից կախվածությունը»,- նշել է նա։