Իրանի մի քանի շրջաններում պայթյուններ են որոտացել

Իրանի բնակիչները և տեղական լրատվամիջոցները հայտնել են Բանդար Աբասում լսված պայթյունների, ինչպես նաև Բուշերի շրջակայքում՝ Չողադոկ քաղաքի մոտ տեղի ունեցած երկու պայթյունների մասին։

Միևնույն ժամանակ, Mehr գործակալությունը հերքել է տարածված տեղեկությունները, թե պայթյուն է եղել Խարկ կղզում։ Գործակալության փոխանցմամբ՝ կղզում պայթյունի մասին հաղորդումները չեն համապատասխանում իրականությանը։

Ավելի վաղ Mehr գործակալությունը նաև հայտնել էր, որ նախորդ երկու գիշերների ընթացքում ամերիկյան ուժերը հարվածներ են հասցրել Իրանի հարավային ափին։ Գործակալության տվյալներով՝ դրա հետևանքով զոհվել են մի քանի ձկնորսներ և երկրի պաշտպաններ, ինչպես նաև զգալի վնաս է հասցվել Բանդար Աբասի և Սիրիկի շրջանների ձկնորսական արդյունաբերությանը։