Իլոն Մասկին 1,5 մլն դոլարով տուգանել են Twitter-ի գործարքի պատճառով

ԱՄՆ արժեթղթերի և բորսաների հանձնաժողովը (ՍԷԿ) 1,5 միլիոն դոլարի տուգանք է սահմանել Իլոն Մասկի նկատմամբ՝ «Թվիթերի» բաժնետոմսերի ձեռքբերման վերաբերյալ տվյալները թաքցնելու համար։

Կարգավորող մարմինը հետաքննություն էր սկսել դեռևս 2022 թվականի մայիսին, քանի որ գործարարը սահմանված ժամկետից ուշ էր հայտնել «Թվիթերի» 9,2% բաժնետոմսերի գնման վերաբերյալ։ Գործող կանոնակարգի համաձայն՝ երբ ներդրողի վերահսկողության տակ է անցնում հանրային ընկերության ավելի քան 5%-ը, նա պարտավոր է տասն օրվա ընթացքում տեղեկացնել այդ մասին կարգավորողին։

Մասկը նշված ծանուցումն ուղարկել է միայն վերջնաժամկետի լրանալուց տասնմեկ օր անց։ Բաժնետոմսերի գնումը կատարվել էր մարտի 14-ին, սակայն համապատասխան փաստաթուղթը ներկայացվել է միայն ապրիլի 4-ին։