Ղազախստանը խստացնում է սահմանային վերահսկողությունը․ կգործեն հատուկ ոստիկանական կետեր

Ղազախստանի ներքին գործերի նախարարությունը երկրի պետական սահմանի մոտ տեղակայել է 59 հատուկ ոստիկանական կետ։ Այս քայլի նպատակն է կանխել քսայուղերի և վառելիքի ապօրինի արտահանումն երկրից։ Իրավապահներն աշխատում են այլ պետական գերատեսչությունների ներկայացուցիչների հետ համատեղ։

Հատուկ հսկիչ կետերը տեղադրվել են ավտոմոբիլային անցակետերի անմիջական հարևանությամբ։ Ոստիկանները զննում են սահմանը հատող տրանսպորտային միջոցները, քանի որ հաճախակիացել են մեքենաներում թաքնված կամ հավելյալ բաքերով վառելիք տեղափոխելու փորձերը։

Տարեսկզբից ի վեր հայտնաբերվել է 255 դեպք, երբ ավտոմեքենաներում ապօրինի կերպով տեղադրվել են լրացուցիչ վառելիքի բաքեր։ Բոլոր օրինախախտ վարորդները ենթարկվել են վարչական պատասխանատվության։ Նրանցից 195-ը օտարերկրյա պետությունների քաղաքացիներ են, իսկ 60-ը՝ Ղազախստանի: