Բնակարանները շարունակում են թանկանալ․ ԵՄ-ում գներն աճում են ռեկորդային տեմպերով

2026 թվականի սկզբին տան գները և վարձակալության ծախսերը շարունակեցին աճել ողջ Եվրամիությունում։ Դա տեղի է ունեցել այն ֆոնին, որ 2025 թվականին տնային տնտեսությունները իրենց մատչելի եկամտի գրեթե մեկ հինգերորդը (18,9%) ծախսել են բնակարանի վրա։ Որոշ երկրներում այս ցուցանիշը գերազանցել է 30%-ը։

2026 թվականի առաջին եռամսյակում ԵՄ-ում բնակարանների գներն աճել են 5,1%-ով, իսկ վարձավճարները՝ 3,0%-ով՝ նախորդ տարվա նույն ժամանակահատվածի համեմատ։ Երկու թվերն էլ գերազանցել են ԵՄ-ի ինֆլյացիայի 2,3 տոկոսը, թեեւ աճի տեմպերը զգալիորեն տարբերվել են Եվրոպայում, համաձայն Եվրոստատի։

Եվրոպական 28 երկրների շրջանում, որոնց համար տվյալներ կան ( բացառությամբ Հունաստանի, ինչպես նաև Նորվեգիայի և Իսլանդիայի), տան գների աճ է գրանցվել բոլոր երկրներում, բացի Ֆինլանդիայից, որտեղ 2025 թվականի առաջին եռամսյակից մինչեւ 2026 թվականի առաջին եռամսյակը դրանք նվազել են 2%-ով։

Ամենաշատը գներն աճել են Պորտուգալիայում՝ 17,8 տոկոսով, որին հաջորդում են Բուլղարիան (14,8 տոկոս), Սլովակիան (14,4 տոկոս) եւ Խորվաթիան (14,3 տոկոս)։