5850 դրամ արժողությամբ նոր կենսաչափական քարտերը հասանելի կլինեն 2026 թվականի աշնանից

Հատուկ դիզայնով և ավելի պաշտպանված նոր կենսաչափական նույնականացման քարտերը Հայաստանում հասանելի կլինեն 2026 թվականի աշնանից։

Այս մասին Հանրային հեռուստաընկերության եթերում հայտնել է ՀՀ ՆԳՆ միգրացիայի և քաղաքացիության ծառայության պետ Նելլի Դավթյանը։

Նրա խոսքով՝ նոր քարտերը տրամադրվելու են 5 տարի ժամկետով, իսկ դրանց արժեքը կկազմի 5850 դրամ։

«Գործող քարտերը կշարունակեն վավեր լինել առաջիկա տասը տարում»,- նշել է Դավթյանը։

Հիշեցնենք, որ 2022 թվականի դեկտեմբերին կառավարության որոշմամբ կենսաչափական անձնագրերի տրամադրումը կասեցվել էր 2 տարով, միաժամանակ երկարաձգվել էր հին նմուշի անձնագրերի տրամադրումը։

Ավելի քան 10 տարի Հայաստանում անձնագրերն ու նույնականացման քարտերը մատակարարել էր լեհական PWPW ընկերությունը, որի հետ պայմանագիրն ավարտվել էր 2017 թվականի հունվարի 1-ին։

2025 թվականի ապրիլին հայտնի էր դարձել, որ Հայաստանում կենսաչափական համակարգի ներդրման մրցույթի հաղթող է ճանաչվել «IDEMIA Identity Security France and A.C.I. Technology S.à.r.l.» կոնսորցիումը, հայտնում է  Sputnik Արմենիա: