Թրամփը բաց է Պուտինի հետ շփումների համար. Պեսկով

Ռուսաստանի Դաշնության նախագահի մամուլի քարտուղարը հայտնել է, որ Դոնալդ Թրամփը բաց է Վլադիմիր Պուտինի կողմից իրեն փոխանցվող տեղեկատվությունը լսելու համար։

ՌԴ նախագահի մամուլի քարտուղարը հանդես է եկել մի շարք այլ հայտարարություններով։ Նա նշել է, որ Ուկրաինայի հարցում Թրամփի դիրքորոշումը հետևողական է, իսկ բոլոր այն հերյուրանքները, թե նա հողմացույցի նման փոխում է իր տեսակետը, իրականությանը չեն համապատասխանում։ Ըստ խոսնակի՝ թե՛ Պուտինը, թե՛ Թրամփը գիտակցում են, որ իրենց շփումները շարունակվելու են մոտ ժամանակներս։ Պուտինի և Թրամփի միջև կայացած զրույցը լավ առիթ է դարձել, որպեսզի ՌԴ դիրքորոշումը ԱՄՆ առաջնորդին հասցվի հենց առաջին դեմքից։

Բացի այդ, ՌԴ դեմ պատերազմի շարունակումը հրահրողների ներգրավվածությունը վերլուծելու վերաբերյալ Պուտինի հանձնարարականը տրվել է ՌԴ պաշտպանության նախարարությանը և հատուկ ծառայություններին։ Մամուլի քարտուղարը նաև ընդգծել է, որ Ռուսաստանի և Չինաստանի համատեղ զորավարժությունները որևէ մեկի դեմ ուղղված չեն։