Անհետացել են թանգարանի ամենաթանկ ցուցանմուշները․ Ֆրանսիան ցնցված է

Ֆրանսիայում անհայտ անձինք կողոպտել են աշխարհահռչակ ոսկերչական արվեստի վարպետ Ռենե Լալիկի թանգարանը՝ հափշտակելով շուրջ 4 միլիոն եվրո արժողությամբ թանկարժեք զարդեր։

Le Parisien-ի հաղորդմամբ՝ հարձակումը տեղի է ունեցել տեղական ժամանակով առավոտյան 05:30-ի սահմաններում։ Մի քանի դիմակավորված անձ կոտրել են թանգարանի մուտքի դուռը և ջարդել վեց ցուցափեղկ։

Գողերը տարել են բյուրեղից պատրաստված 20 բացառիկ զարդ, որոնք համարվում էին թանգարանի ամենաթանկ նմուշներից։ Նախնական տվյալներով՝ նրանք հստակ գիտեին, թե որ ցուցանմուշներն են առավել արժեքավոր, ինչը ենթադրում է, որ կողոպուտը նախապես մանրակրկիտ ծրագրված էր։

Դեպքի առթիվ իրավապահները հետաքննություն են սկսել։ Առայժմ կասկածյալների ինքնությունը հայտնի չէ։