Վարդան Ղուկասյանը միջամտել է ոստիկանության ծառայությանը և կիրառել ֆիզիկական ներգործություն

ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում իրականացված նախաքննությամբ տվյալներ են ձեռք բերվել, ըստ որոնց՝ դատական նիստի ընթացքում մեղադրյալ Վ.Ղ.-ն միջամտել է ոստիկանության ծառայողի օրինական գործունեությանը։

Դեպքը, ըստ ՔԿ-ի, տեղի է ունեցել 2026 թվականի մայիսի 27-ին՝ ՀՀ հակակոռուպցիոն քրեական դատարանում քննվող գործի դատական նիստից հետո։

Նշվում է, որ նիստի ավարտից հետո մեղադրյալը փորձել է պատասխանել լրագրողների հարցերին և հրաժարվել է կատարել ոստիկանության ծառայողի՝ դատարանի խուց տեղափոխվելու օրինական պահանջը։ Այնուհետև, երբ ոստիկանն փորձել է ուղեկցել նրան, մեղադրյալը, ըստ քննության տվյալների, ֆիզիկական ներգործություն է կիրառել ծառայողի նկատմամբ։

Ըստ ՔԿ-ի՝ հսկող դատախազի որոշմամբ Վ.Ղ.-ի նկատմամբ հարուցվել է հանրային քրեական հետապնդում՝ Քրեական օրենսգրքի համապատասխան հոդվածով՝ պաշտոնատար անձի օրինական ծառայողական գործունեությանը միջամտելու համար։

Քրեական վարույթի նախաքննությունը շարունակվում է։