Հակակոռուպցիոն կոմիտե․ ընտրակաշառքի գործով ձերբակալվել են մի շարք անձինք

ՀՀ հակակոռուպցիոն կոմիտեի և ՀՀ ազգային անվտանգության ծառայության կողմից իրականացված միջոցառումների հիման վրա նախաձեռնված քրեական վարույթով փաստական տվյալներ են ստացվել այն մասին, որ «Ուժեղ Հայաստան» կուսակցության պատգամավորի թեկնածուն՝ նույն կուսակցության համակիրների հետ խմբի կազմում, Ազգային ժողովի ընտրություններին կուսակցության օգտին քվեարկելու պայմանով Վայոց ձորի և Շիրակի մարզերի մի շարք բնակիչների տվել է տարբեր չափերի ընտրակաշառք։

Հակակոռուպցիոն կոմիտեից հայտնում են, որ բացահայտվել են նաև բարեգործության արգելքի խախտման դեպքեր։

Դեպքի առթիվ նախաձեռնված քրեական վարույթով ձերբակալվել են մի շարք անձինք, իրականացվել են խուզարկություններ և այլ վարութային գործողություններ։