ՏԵՍԱՆՅՈՒԹ.ԱՄՆ կոնգրեսում Ադրբեջանը հակահայ համաժողով է կազմակերպում. Ղահրամանյան

«Ուժեղ Հայաստան» կուսակցության մամուլի խոսնակ Մարիաննա Ղահրամանյանը հայտնել է, որ ԱՄՆ կոնգրեսի շենքում Ադրբեջանը հակահայ համաժողով է կազմակերպում այսպես կոչված «Արևմտյան Ադրբեջանի» զավթողական օրակարգի շրջանակում, մինչդեռ մարդկանց կերակրում են խաղաղության մասին վարդագույն պատրանքներով։

Այս առնչությամբ Մարիաննա Ղահրամանյանը նշել է. «Վաղը ԱՄՆ կոնգրեսում առաջին անգամ կազմակերպվող այդ համաժողովը պարզապես իբրև թե ակադեմիական կամ իբրև թե իրավական քննարկում չէ։ Սա Բաքվի կողմից Հայաստանի դեմ ուղղված տեղեկատվական և քաղաքական արշավի հերթական դրսևորումն է, որի նպատակն է կասկածի տակ դնել Հայաստանի Հանրապետության պատմական, մշակութային և իրավական հիմքերը, ինչպես նաև ձևավորել միջազգային հանրության շրջանում հակահայկական ընկալումներ` «էթնիկ զտումներ իրականացրած պետության» ընկալումներ»։