Փամբակ գետում շարունակվում են երեխայի որոնողական աշխատանքները

Փամբակ գետում փրկարարներն ու ոստիկանները շարունակում են որոնողական աշխատանքները։ Այս գործընթացում ներգրավված են փրկարար ծառայության 180 և ոստիկանության 90 ծառայողներ, կամավորներ ու ջրասուզակներ։ Որոնումների նպատակով կիրառվում են նաև անօդաչու թռչող սարքեր, նավակներ և տեխնիկական այլ միջոցներ։

Հիշեցնենք, որ հունիսի 15-ին՝ ժամը 17։05-ին, 112 ծառայություն ահազանգ էր ստացվել այն մասին, որ 7 և 13 տարեկան երկու երեխաներ դուրս են եկել Վանաձոր քաղաքի Նարեկացի փողոցի հասցեներից մեկից ու չեն հասել նախատեսված վայր։ Հունիսի 17-ին Փամբակ գետից հայտնաբերվել էր 2018 թվականին ծնված Նարե Մարտիրոսյանի մարմինը։