Պենտագոնը միլիարդներ է ծախսել Իրանի դեմ հարձակումների վրա

CNN-ը հեռուստաընկերությունը հաշվարկել է, որ Իրանի դեմ ռազմական գործողությունների իրականացման համար Պենտագոնի կատարած ծախսերը հասել են մոտավորապես 40 միլիարդ դոլարի։

Լրատվամիջոցն այս ցուցանիշը ստացել է՝ հիմնվելով Ռազմավարական և միջազգային հետազոտությունների կենտրոնի զեկույցի վրա, որը պատրաստվում է հրապարակման։ Նշված գումարային հաշվարկներում ներառված են կիրառված զինամթերքի, ոչնչացված տեխնիկայի արժեքն ու ԱՄՆ ռազմաբազաներին պատճառված վնասները։ Միևնույն ժամանակ, բյուջեով նախապես սահմանված օպերացիոն ծախսերը ներկայացված թվի մեջ ներառված չեն։

Ինչպես հայտնել է CNN-ի ավագ խորհրդական Մարկ Քենսիանը, Ամերիկայի Միացյալ Նահանգների ամենախոշոր ծախսային հոդվածը եղել է զինամթերքը, որի ընդհանուր գումարը կազմել է 26 միլիարդ դոլար։ Սա պայմանավորված է ամերիկացի զինվորականների ընտրած մարտավարությամբ, ովքեր մեծ քանակությամբ բարձր տեխնոլոգիական, հեռահար ու թանկարժեք սպառազինություն են կիրառել։ Մասնավորապես, արձակվել է մոտ հազար «Տոմահավկ» հրթիռ, որոնցից յուրաքանչյուրի արժեքը 2,5 միլիոն դոլար է։

Հետազոտական կենտրոնի վերլուծության համաձայն՝ հակամարտությանը ներգրավվելու առաջին 100 ժամվա ընթացքում Միացյալ Նահանգները ծախսել են շուրջ 3,7 միլիարդ դոլար։ Դրանից հետո, հարձակումների ինտենսիվության նվազման հետևանքով, մեկ օրվա կտրվածքով ռազմական գործողությունների արժեքը կրճատվել է։