Սկի չի կարողանում սեփական մայրաքաղաքի անվտանգությունը ապահովի. Իոաննիսյանը` Մոսկավայի հարվածների մասին

Երեկ ուկրաինացիք իրականացրել են ամենամեծ օդային հարվածը Մոսկվային։ Մոսկվայի ամենամեծ նավթավերանշակող գործարանը վառվում է, բազմաթիվ խոցումներ կան։ Այս մասին ֆեյսբուքի իր էջում գրել է «Իրազեկ քաղաքացիների միավորում» ՀԿ համակարգող Դանիել Իոաննիսյանը:

«Ավտոճանապարհները փակվում են, որ դրանց վրայից աշխատեն ՀՕՊ հաշվարկները։ Օդակայանները փակվել են, 500 թռիչք չեղարկվել/հետաձգվել է, փոխարենը օդ է բարձրացել նավթավերամշակող գործարանի տանիքներից մեկը` դառնալով թռչող ափսե (ու դառել մեմերի առարկա)։

Մոսկվայում մարդիկ համատարած դժգոհում են բենզինի դեֆիցիտից և նրանից, որ օդային տագնապը չէր միացել։ Վերջինիս արդյունքում, երբ որոշ դրոններ խոցում էին բազմաբնակարան շենքեր` դրանց բնակիչները պատսպարված չէին։

Թե բա «անվտանգության երաշխավոր»... Սկի չի կարողանում սեփական մայրաքաղաքի անվտանգությունը ապահովի»,- գրել է նա: