Անվավեր է ճանաչվել Ծաղկաձորի ճոպանուղու տարածքի հողամասի սեփականության իրավունքը

Հայաստանի ազգային օլիմպիական կոմիտեին պատկանող՝ Ծաղկաձորի ճոպանուղու տարածքում գտնվող 225,1 հեկտար մակերեսով և 36,4 միլիարդ դրամ արժողությամբ հողամասի նկատմամբ սեփականության իրավունքի պետական գրանցումն անվավեր է ճանաչվել։

Դատախազության փոխանցմամբ՝ դատարանն արձանագրել է, որ տվյալ հողամասը Հայաստանի ազգային օլիմպիական կոմիտեին հատկացվել է «ՀՀ հողային օրենսգրքում լրացումներ և փոփոխություններ կատարելու մասին» օրենքի ուժի մեջ մտնելուց հետո, ինչի պատճառով չէր կարող համարվել, որ հիշյալ կազմակերպության սեփականության իրավունքը նշված հողամասի նկատմամբ առաջացել է։ Դատական ակտի օրինական ուժ ստանալուց հետո հողամասի նկատմամբ կձևակերպվի Հայաստանի Հանրապետության սեփականության իրավունքը։

Հարկ է հավելել նաև, որ ՀԱՕԿ նախագահի պաշտոնը զբաղեցնում է Գագիկ Ծառուկյանը։