Բենզինի գները Մոսկվայի տարածաշրջանում կտրուկ բարձրացել են

Մոսկվայի տարածաշրջանում արձանագրվել է բենզինի գների կտրուկ աճ, ինչի մասին տեղեկացնում են ռուսական լրատվամիջոցները։

Մեկ շաբաթվա ընթացքում Մոսկվայում ԱԻ-95 տեսակի բենզինի մեկ լիտրի գինն ավելացել է մոտ 9.4 դրամով՝ անցնելով 350 դրամի սահմանը, իսկ Մոսկվայի մարզում գրանցվել է ավելի քան 14 դրամի աճ։ Այսպիսի իրավիճակ է ստեղծվել նաև դիզելային վառելիքի շուկայում։

Շուկայի ներկայացուցիչների պարզաբանմամբ՝ գլխավոր պատճառը նավթավերամշակման գործարաններին ուկրաինական անօդաչու թռչող սարքերով հասցվող համակարգված հարվածներն են։

Մայիս ամսին հարձակումների թիրախում են հայտնվել 16 նավթավերամշակման գործարաններ, որոնց թվում են ոլորտի 10 ամենախոշոր ձեռնարկություններից 8-ը։

Հունիսի 16-ի գիշերը անօդաչու սարքերի հարվածներից վնասվել է Մոսկվայի նավթավերամշակման գործարանի՝ Կապոտնյայի արտադրական կայանքը, որին բաժին է ընկնում գործարանի ընդհանուր հզորության կեսից ավելին։ Երկու օր անց ձեռնարկությունը վերստին ենթարկվել է հարձակման և դադարեցրել գործունեությունը։