Ռուսաստանը մնացել է Հայաստան դրամական փոխանցումների գլխավոր աղբյուրը

2025 թվականին Հայաստան փոխանցված դրամական միջոցների ամենամեծ հատվածը բաժին է ընկել Ռուսաստանին՝ մոտ 4 միլիարդ դոլար։ Դա կազմում է հանրապետության ամբողջ ՀՆԱ-ի մոտ մեկ ութերորդը։ Այս մասին հայտնում է «ՌԻԱ Նովոստին»՝ ուսումնասիրելով Հայաստանի Կենտրոնական բանկի տվյալները։

2025 թվականի արդյունքներով Ռուսաստանից Հայաստան դրամական փոխանցումները կազմել են 3,9 միլիարդ դոլար։ Հաշվի առնելով, որ անցած տարի Հայաստանի ՀՆԱ-ն հասել է 29,5 միլիարդ դոլարի, Ռուսաստանից ստացված միջոցների ներհոսքը համարժեք է երկրի տնտեսության մոտ մեկ ութերորդին։

Ռուսաստանից բացի, Հայաստան զգալի դրամական փոխանցումներ են կատարվել նաև ԱՄՆ-ից (733,8 միլիոն դոլար), Մեծ Բրիտանիայից (207,3 միլիոն դոլար) և Շվեյցարիայից (131,9 միլիոն դոլար)։