Ռուսաստանի շոկային որոշումն Ուկրաինայի վերաբերյալ

Ուկրաինայի քաղաքացիները դեռևս կարող են մուտք գործել Ռուսաստան առանց վիզայի, չնայած երկկողմանի անվիզա ճանապարհորդության համաձայնագրի դադարեցմանը։ Այս մասին «ՌԻԱ Նովոստի»-ին տված հարցազրույցում հայտարարել է Ռուսաստանի արտաքին գործերի նախարարության հյուպատոսական դեպարտամենտի տնօրեն Ալեքսեյ Կլիմովը։

Նրա խոսքով՝ Ռուսաստանի և Ուկրաինայի միջև 1997 թվականից գործող անվիզա ռեժիմի մասին համաձայնագիրը կարևոր դեր է խաղացել երկու երկրների քաղաքացիների միջև մարդասիրական և ընտանեկան կապերի պահպանման գործում: Սակայն 2023 թվականին փաստաթուղթը դադարեցվել է ուկրաինական կողմի նախաձեռնությամբ:

Կլիմովը նշել է, որ հաշվի առնելով մարդասիրական հանգամանքները և երկու երկրների բնակիչների միջև ընտանեկան կապերը, Ռուսաստանի իշխանությունները որոշել են պահպանել Ուկրաինայի քաղաքացիների համար առանց վիզայի մուտքի ռեժիմը։

Այդ նպատակով, 2023 թվականի սեպտեմբերի 29-ին ստորագրվել է Ռուսաստանի նախագահի թիվ 734 հրամանագիրը, որը կարգավորում է Ուկրաինայի քաղաքացիների մուտքի և ելքի ընթացակարգերը: Փաստաթուղթը ուժի մեջ է մտել ստորագրման օրվանից և շարունակում է գործել: