Զլատան Իբրահիմովիչը հայտնել է իր ֆավորիտին ԱԱ-2026-ում

 Շվեդիայի ազգային հավաքականի նախկին հարձակվող Զլատան Իբրահիմովիչը բացահայտել է, թե աշխարհի 2026 թվականի առաջնության ընթացքում որ թիմին է երկրպագելու:

Ինչպես հայտնում է armsport.am-ը, Fox Sports-ին տված հարցազրույցում Իբրահիմովիչը նշել է. 

«Ի՞նչն է գրավում իմ ուշադրությունը. L խումբը։ Այնտեղ են Անգլիան և Խորվաթիան։ Ես խորվաթական արմատներ ունեմ, ուստի այս մրցաշարում երկրպագելու եմ նրանց։ 

Ունենք նաև Գանան՝ իր մեծ տաղանդներով. եկեք տեսնենք, թե ինչ ցույց կտան նրանք։ Կա նաև Պանաման։ Ցավոք, կարծում եմ, որ այս խմբում նրանք պարզապես «բռնցքամարտի տանձ» են դառնալու։ Անգլիան և Խորվաթիան կպայքարեն առաջին տեղի համար, իսկ Գանան կարող է խանգարել նրանց ու մի քանի միավոր խլել»։