Իրանը հանդես է եկել պաշտոնական հայտարարությամբ

Իրանի նախկին գերագույն առաջնորդ Ալի Խամենեիի հրաժեշտի և հուղարկավորության արարողությունները կկայանան հուլիսի 4-9-ը, հայտնել է նրա գրասենյակը։ 

Խամենեին զոհվել է փետրվարի 28-ին Թեհրանին ԱՄՆ-ի և Իսրայելի հասցրած հարվածների հետևանքով, նրա հետ հրաժեշտի արարողությունը ողջ մարտ ամսվա ընթացքում շարունակվող հարվածների ֆոնին անցկացնել չի հաջողվել, ինչի հետևանքով իշխանությունները որոշում են կայացրել հետաձգել միջոցառումը՝ հղում անելով ենթակառուցվածքների պատրաստման անհրաժեշտությանը։ Նրան պատրաստվում են հուղարկավորել հարազատ Մաշհադ քաղաքում։ 

«Հուլիսի 4-ին և 5-ին հրաժեշտի արարողությունը կկայանա Թեհրանի իմամ Խոմեյնիի անվան տաճարային մզկիթում։ Հուղարկավորության արարողությունը կանցկացվի հուլիսի 6-ին Թեհրանում, հուլիսի 7-ին՝ Ղոմում, իսկ հուլիսի 9-ին Մաշհադում, որտեղ և տեղի կունենա թաղումը», - ասված է հաղորդագրության մեջ։ Խամենեիի մահից հետո Իրանի նոր գերագույն առաջնորդ է ընտրվել նրա որդին՝ Մոջթաբան, ով մինչ օրս հանրությանը չի երևացել, սակայն հանդես է եկել իրանցի ժողովրդին ուղղված մի շարք ուղերձներով, որոնց տեքստը հրապարակել են Իրանի պաշտոնական ռեսուրսները։