Բանակից առողջության հիմքով ազատում են իրենց որդիներին. «Ժողովուրդ»

«Ժողովուրդ» օրաթերթի տեղեկացմամբ, ԿԳՄՍՆ-ը հանրային քննարկման է ներկայացրել կառավարության որոշման նախագիծ՝ ֆուտբոլի (մինչև 21, մինչև 19) և ֆուտզալի ազգային հավաքականների մարզիկներին 2026-ի ամառային զորակոչից մինչև 2028-ի ամառային զորակոչը, որոշ դեպքերում՝ մինչև 26 տարեկանը, տարկետում տալու վերաբերյալ։ Հիմքում նշվում է մարզական պատրաստության շարունակականության ապահովումը։ Քննարկումը տևելու է հունիսի 1–16-ը, նախատեսվում է նաև գործող տարկետումների վերանայում։

Օրաթերթը նշում է, որ նախագիծը հարցեր է առաջացրել չափանիշների և հավասարության վերաբերյալ, մինչդեռ կառավարության դիրքորոշմամբ նպատակն ազգային հավաքականների մրցունակության բարձրացումն է, բյուջետային էական ազդեցություն չի ակնկալվում։ Հիշեցվում է նաև, որ Գոռ Սանոսյանն ու Սամվել Գևորգյանը առողջական հիմքով տարկետում են ստացել, սակայն զբաղվում են պրոֆեսիոնալ սպորտով։