15:00 Լուրերը մեկ տողով. Թեժ հետընտրական քաոս. բերման ենթարկելու որոշում, ձերբակալություններ, խուզարկություններ

Անցած ժամվա լուրերը՝ հակիրճ և բովանդակային.

•Դատարանը Սեյրան Օհանյանին բերման ենթարկելու որոշում է կայացրել: Նախկին պաշտպանության նախարարը չի ներկայացել «Մարտի 1»-ի գործով դատական նիստին:

•Վանաձորում բացահայտվել են ընտրակաշառք տալու և ստանալու հերթական դեպքերը: Հակակոռուպցիոն կոմիտեում նախաձեռնված քրեական վարույթով արդեն ձերբակալվել են մի շարք անձինք:

•Արեգնազ Մանուկյանի բնակարանում խուզարկություն է իրականացվել: «Մայր Հայաստան» կուսակցության վարչության անդամն այս պահին մեղադրյալի կարգավիճակ չունի և ստորագրություն է տվել գաղտնիք չհրապարակելու մասին:

•ԿԸՀ-ի դիմաց տեղի է ունեցել բողոքի ակցիա երկու տեղամասերի ընտրությունների արդյունքներն անվավեր ճանաչելու դեմ: Ակցիայի մասնակիցները հայտարարել են վերահաշվարկի գործընթացում իշխանության կողմից գործադրված ճնշումների մասին:

•ՆԳ նախարարը հայտարարել է ընտրական հանցագործությունների բացահայտման շարունակականության մասին: Արփինե Սարգսյանը վստահեցրել է, որ հիմքերի առկայության դեպքում կլինեն նոր ձերբակալություններ:

•«Ուժեղ Հայաստան» կուսակցությունը պահանջում է չեղարկել խորհրդարանական ընտրությունները և նշանակել երկրորդ փուլ: Կուսակցության առաջնորդը հայտնել է, որ արդյունքները բողոքարկելու են ԿԸՀ-ում և Սահմանադրական դատարանում:

•«Ուժեղ Հայաստանը» պատրաստ է վերցնել պատգամավորական մանդատները միայն իշխանափոխությանն ավելի արագ հասնելու դեպքում: Հակառակ պարագայում կուսակցությունը հակված է պայքարը շարունակել փողոցում:

•Շրջակա միջավայրի նախարարությունը կոչ է անում ինքնակամ ձկնատեսակներ բաց չթողնել ջրային ավազաններ: Նման գործողությունները կարող են խաթարել բնական էկոհամակարգերի հավասարակշռությունը և վտանգել Սևանա լճի կենսաբազմազանությունը:

•Աշխարհի առաջնության բացման հանդիպման ժամանակ մարզադաշտի մոտ Գերմանիայի քաղաքացի է մահացել: Իշխանությունների հավաստմամբ՝ 81-ամյա երկրպագուի մահը պայմանավորված է եղել բացառապես առողջական խնդիրներով: