Դա մեր եղբայրական երկիրն է. Փաշինյան

 Նիկոլ Փաշինյանը հայտարարել է, որ Հայաստանը շահագրգռված է ԵՄ-ի և ԱՄՆ-ի հետ Վրաստանի հարաբերությունների կարգավորմամբ։ 

«Մենք շահագրգռված ենք Եվրամիության և Վրաստանի, Միացյալ Նահանգների և Վրաստանի միջև հաշտեցմամբ, և դա մեր դիրքորոշումն է։ Բացի այդ, իհարկե, Վրաստանի հետ մեր համագործակցությունն ու հարաբերությունները շարունակաբար զարգանալու են, դա մեր եղբայրական երկիրն է, մենք ունենք ռազմավարական գործընկերություն, և մենք անշուշտ կշարունակենք զարգացնել մեր հարաբերությունները»,– հայտարարել է ընտրություններում հաղթած երկրի վարչապետը։