Վրաստանի ԿԸՀ նախագահը՝ Հայաստանում անցկացվող ընտրությունների մասին

Հայաստանում կարելի է ասել, որ ընտրությունների նախապատրաստման համար շատ մեծ աշխատանք է կատարվել, հույս ունենք, որ դա արդյունք կտա՝ ընտրությունները կլինեն թափանցիկ: Այս մասին ասել է Վրաստանի ԿԸՀ նախագահ Գեորգի Կալանդարաշվիլին, փոխանցում է Սպուտնիկ Գրուզիան:

«Միջազգային կազմակերպությունների և դիտորդների հետ հանդիպումների հիման վրա կարող ենք ասել, որ շատ մեծ աշխատանք է կատարվել, և մենք հույս ունենք, որ դա արդյունք կտա՝ ընտրությունները կլինեն լավ կազմակերպված, պրոֆեսիոնալ և թափանցիկ։ Հաջողություն եմ մաղթում ԿԸՀ-ին»,- ասել է Գեորգի Կալանդարիշվիլին։

Նա հավելել է, որ վրացի դիտորդներն օրվա ընթացքում հետևում են բոլոր փուլերին՝ ընտրատեղամասերի բացումից մինչև փակում, և իրենց առաջարկությունները կներկայացնեն Հայաստանի ԿԸՀ-ին: