Ինչ ահազանգեր են ստացվել քվեարկության գործընթացից

«Հայաքվեն» հաղորդում է, որ Վանաձորի 23/51 ընտրատեղամասում քվեախցիկներից մեկի հետևում նկատվում է շարժ, իսկ մյուսի հետևի պատուհանից հնարավոր է դիտարկել քվեարկության ընթացքը։ Նշվում է նաև, որ 3/13 ընտրատեղամասում քվեատուփը տեղադրված է դռան անմիջապես դիմաց։

Երևանի Աջափնյակ վարչական շրջանի 6/3 և 6/50 ընտրատեղամասերում․ ըստ ահազանգերի՝ տեղամասերի անվանումները նշված չեն եղել, ինչի հետևանքով որոշ քաղաքացիներ չեն կարողացել գտնել տեղամասերը և հեռացել են առանց քվեարկելու։

ՀԱԿ-ը հայտարարություն է տարածել՝ խոսելով ընտրական իրավունքի ոտնահարման մասին՝ նշելով, որ «սա մեր հայրենակիցների դեմ ուղղված քաղաքական հետապնդման կոչ է և կոպտագույն միջամտություն ՀՀ քաղաքացիների՝ Սահմանադրությամբ երաշխավորված ընտրական իրավունքին»։