CNN․ Իսրայելն Ադրբեջանն օգտագործել է որպես գաղտնի հենակետ Իրանի դեմ

CNN-ի աղբյուրների փոխանցմամբ՝ Իսրայելը գաղտնի կերպով Ադրբեջանի հարավում (Թավրիզից մոտ 60 մղոն հեռավորության վրա) տեղակայել է հատուկ նշանակության ստորաբաժանումներ և «Մոսադի» գործակալներ՝ հետախուզական գործողություններ իրականացնելու և Թեհրանի դեմ անօդաչու թռչող սարքեր գործարկելու համար։

Հաղորդվում է, որ հենց այդտեղից են համակարգվել մարտի 4-ին ԻՀՊԿ հետախուզության ղեկավար Ռահման Մողադամի սպանության գործողությունը և Նախիջևանի օդանավակայանի ուղղությամբ իրականացված հարվածները։

ԱՄՆ-ում Ադրբեջանի դեսպանատունը այս տեղեկությունները կեղծ է անվանել։

Հոդվածում նաև հիշեցվում է Բաքվի և Թել Ավիվի սերտ դաշինքի մասին՝ ադրբեջանական նավթի դիմաց առաջադեմ իսրայելական սպառազինության մատակարարումներ և Վաշինգտոնում իրականացվող լոբբիստական աջակցություն։