Արամ Սարգսյանը քվեարկել է հանուն ինքնիշխան և ժողովրդավար Հայաստանի

«Հանրապետություն» կուսակցության վարչապետի թեկնածու Արամ Սարգսյանը կատարել է իր ընտրությունը՝ վստահ լինելով, որ երկիրը հայտնվելու է ինքնիշխան, ժողովրդավար ու զարգացող աշխարհի ընտանիքում։

Նա նշել է, որ իրենց կողմից «Ուժեղ Հայաստանի» ցուցակի գրանցումն ուժը կորցրած ճանաչելու վերաբերյալ ներկայացված միջնորդության հիմքում ընկած չեն եղել ենթադրություններ։ Ըստ նրա՝ հիմք են հանդիսացել Հակակոռուպցիոն կոմիտեի նյութերը, կալանավորումները, ինչպես նաև արտերկրից Հայաստան ժամանող հարյուր հազարավոր անձանց՝ նույնիսկ համացանցում արված հայտարարությունները։

«Ես համարում եմ, որ ճիշտ եմ արել՝ դիմելով ԿԸՀ, եւ ճիշտ կլիներ՝ արևմտյան արժեքներ կրող մյուս ուժերն էլ դա անեին, ոչ թե կողքից հետևեին, թե «Հանրապետություն» կուսակցությունն ինչ է անում»,- հայտարարել է Արամ Սարգսյանը։