Վաշինգտոնը պատրաստվում է Իրանի հետ նոր փուլին․ ձևավորվել է 100 մասնագետից բաղկացած թիմ

 Վաշինգտոնը Իրանի հետ երկխոսության համար ձևավորել է միջուկային հարցերով զբաղվող 100 մասնագետից բաղկացած թիմ։ Հայտնում է Axios–ը:

Հիշեցնենք՝ ԱՄՆ պետքարտուղար Մարկո Ռուբիոն հայտարարել է, որ «հնարավորություն կա, որ Իրանը համաձայնել է քննարկել իր միջուկային ծրագրի որոշ ասպեկտներ, որոնց քննարկումից նախկինում հրաժարվում էր»։

Միևնույն ժամանակ Թեհրանում շարունակում են հերքել բանակցությունների փաստը։

«ԱՄՆ-ի հետ ուղերձների փոխանակումը դադարեցված է առնվազն մի քանի օրով»,– հայտարարել են իրանական կողմում։

Իրանի իշխանություններին մոտ կանգնած FARS գործակալության փոխանցմամբ՝ «որոշ արևմտյան լրատվամիջոցներ և պաշտոնյաներ փորձում են Իրանի և ԱՄՆ-ի միջև ուղերձների փոխանակումը ներկայացնել որպես սովորական գործընթաց, սակայն տեղեկացված աղբյուրը հայտնում է, որ այդ փոխանակումը դադարեցված է առնվազն մի քանի օրով»։