Փաշինյանը խոստացել է կալանավորել Քոչարյանին, Կարապետյանին, Ծառուկյանին

Վարչապետ Նիկոլ Փաշինյանը խոստացել է ընտրությունից անմիջապես հետո կալանավորել վարչապետի թեկնածուներ Ռոբերտ Քոչարյանին, Սամվել Կարապետյանին ու Գագիկ Ծառուկյանին.

«Ժողովուրդը հստակ ձևակերպել է իր ուղերձը։ Ընտրություններից հետո Ռոբերտ Քոչարյանը պետք է կալանավորվի և կանգնի դատարանի առաջ մարտի 1-ի ոճրագործության համար։ Մարտի 1-ի ոճրագործները պետք է երկար տարիներ անցկացնեն բանտում։ 

Դատախազությունը Քոչարյանից և նրա ընտանիքից պահանջում է ավելի քան 200 մլն դոլարի ապօրինի գույք և դրամական միջոցներ։ Դատական համակարգն այդ թալանածը պետք է վերադարձնի ՀՀ ժողովրդին և պետությանը»։  Այդ մասին ՔՊ ամփոփոիչ քարոզարշավի ժամանակ հայտարարել է վարաչպետ Նիկոլ Փաշինյանը:

«Պատերազմի եռագլուխ կուսակցությունը և նրանց պոչերը հունիսի 7-ի ընտրությունների արդյունքներով չպետք է մտնեն խորհրդարան։ Սա ՀՀ ժողովրդի արժանապատվության հարցն է, որովհետև այն քաղաքական ուժերը, այն լրտեսական ցանցերը, որ մտածում են՝ կարող են գնել հայ ժողովրդին, անվանարկել նրանց, համեմատել ծախու արարածների հետ, այդ ուժերը պետք է ծնկի բերվեն քվեարկության արդյունքներով»,– նշել է նա: